|
|
|
|
||
  
|
|
|
|
|
|
|
||
|
|
(žemaitėškā)
Parėngė Mukienė Danutė
Platiau aple Puškuorio Aniceta:
Liaudės meistra, pasakuorio, dainininka Puškuorio Aniceta i Anapili draugā ėr artėmėjė palīdiejė 1994 metu žėima. Išejė netikietā. A. Puškuorios bova gėmės 1911 metās Kretinguos apskrėtėis Skaudaliu kaimė (netuolėj Imbarės).
Laiduojė vėsa Kretinga, nes kažėn ar če paskotėnēs metās bova
kėts tuoks vėsū žėnuoms, gerbams ėr mīlams žmuogos kāp A.Puškuorios. Anou
Lietovuo daugiausē vėsė pažėnuojė kāp liaudės meistra, Žemaitėjės
tautuodailininku sājungas kūrieji, žmuogo, ėšaugėnusi sūno Raimonda, katros ne
prastiau ož tieva druož ėš medė Rūpintuojelius. No, vuo fuolkluora tīrinietuojē,
tautuosakas rinkiejē ne mažiau pri anuo linka ėr dėl tuo, ka A. Puškuorios toriejė
dėdėlē gera atminti, ėškalba ėr kāp rets katros kėts gerā atsėmėnė sava
mamelės dainas, vaikīstie gėrdietus senūju žmuoniū pasakuojėmus, padavėmus,
legendas, pats dėdėlē poikē dainiava, gėiduojė žemaitėškas gėismės.
1952 metās anou aplonkė Lietuvuos konservatuorėjės (dabā Mozėkas akademėjės) fuolkluora tīrinietuojē J. Čiurlionītė ėr A. Muockos. Tumet anėi ožrašė 55 Puškuoriaus Aniceta padainioutas dainas. 43 ėš anū ėššiproutas ėr sodietas i rinkini, katrou sodarė L. Burkšaitienė. Rinkėnīs sauguoms Lietuvuos Mozėkas akademėjės tautuosakas rokraštīnė.
|
© Žemaičių
kultūros draugijos redakcija, 1998-2000. |
|
|
|
|
|