|
Ėš praeitīs
Sovėrp džiaugsma sporgas pašėrdie,
Ka apžvelgu praeiti sava,
Kīk daug mīlemūju paveikslu
Pruo mona akis pražīgiava.
Ka šėrdie jaunīsti prašneka,
Er prišauki bortus gražeusius,
Mona dīnas žīdieje so vīšniems
Ale aš anū nabatšauksu.
Tik ateiti pinsu ėš nauje,
Gal žvaizdes nušvīs mona keli,
Gal laimi lauktuoji švīsiausi
Ištīs mon sava ronkeli.
|
Žuodē Vėntā
Tėn kalnelē, tėn guojelē
Palei mūsa Vėnta.
Džiaugsmu nušvīt kuožna veida,
Kam tėn būti lėmta.
Ta padongi Žemaitėjės
Tuoki mīla šėrdē,
Ruods, ka prašnek meilis žuodēs
Ar tu mumis gėrdi?
Gėrdo, gėrdo ėr supronto,
Ka dar muni mīlet.
Ėr šėrdėm joms atsakīso,
Tegol lūpos tīlē.
2000 m. līpas 27 d.
|
